Kik nyesui banggan adu selesai mak ngedok halangan sai menemon,tahap selanjutni nyusun banggan.
Nyusun banggan ji kik kelitah ni sanak tano ya lamaran, adu nantukon rani rik tanggal ni guwai, balak lunik ni du'a, juga nantukan bunyi ni guwai sino, apikah semanda, metudau,juga aga api-api jujor ni kanah.
Ket:
*semanda : meranai sai nutuk keluarga ni bebai
*metudau : muli sai nutuk keluarga ni meranai
*jujor : pengilu ni mulijama meranai,berupa barang biasani (emas,duit,prangkat lamban,prangkat budandan rik bareh-bareh), dacok juga sebalik ni, pengilu ni meranai jama muli,tergantung kesepakatan.
Kindang ni kondisi dilom masyarakat tano ji, semanda rik metudau no adu jarang ireh ti dengi, kemungkinan ulih faktor kemajuan zaman sa juga, lamon ni tano ji wat muneh luar istilah "kawin riya" atau kawin makngedok bunyi. Di lom arti semanda mawat metudau juga mawat, rik mak ngedok juga jujor ni, kik wat pengilu ni jak pihak muli, biasa ni hanya bersifat pribadi untuk urusan bantuan pelaksanaanni resepsi,tergantung kondisi keungan ni keluarga.
